''Կանչ Փրկութեան'' ռատիօ-յայտագրի մասին զրոյց` Հայր Մաշտոց Վրդ. Զահթերեանի հետ։

(Ռատիօ Վատիկան) Զմմառու Արծիւեան միաբանութեան` Սուրբ Միքայէլ հրեշտակապետի եւ Երանելի Իգնատիոս Մալոյան նորընծայարաններու փոխ տեսուչ, գերապատիւ  Հայր Մաշտոց Վրդ. Զահթերեան, վերջերս այցելեց Վատիկանի Ձայնասփիւռի հայկական բաժնի խմբագրութիւնը։

Առիթէն օգտուելով խմբագրութեանս անձնակազմը զրոյց մը ունեցաւ Հայր Մաշտոցին հետ անոր` մի քանի ամիսներ առաջ ստանձնած նոր առաքելութեան մասին,  ''Կանչ Փրկութեան'' հոգեւոր ռատիօ հաղորդաշարը` որ ամէն կիրակի օր կը սփռուի Լիբանանու ''Սաութ էլ Մահհապէ – Սիրոյ Ձայն'' ռատիոկայանէն։